Vishesh Jaimala - Anwar-2

Written by Sujoy Chatterjee
Radio Se
Print

Mere Desh Ke Veer Jawaano, Aap Sabhi Ko Anwar Ka Salaam! Jab Jab Aap Logon Ke Manoranjan Karne Ka Mauka Mila Tab Tab Mera Man Khushi Se Jhoom Utha. Fauji Bhaaiyon, Maine Aapke Liye Ek Aisa Gaana Chuna Hai Jise Aapne Sunaa Aur Maine Usey Gaaya Tha. Film Ka Naam Hai Mere Gareeb Nawaz. Aur Yeh Gaana Aap Logon Ko Behad Pasand Aaya, (Sings) "Kasmein Ham Apni Jaan Ki Khaaye Chale Gaye".

Song: Kasmein Ham Apni Jaan Ki (Mere Gareeb Nawaz)

Pyaare Fauji Bhaaiyon, Aglaa Gaana Meri Pasand Ka Hai, Aur Jise Rafi Saahab Ne Apni Bahut Hi Pyaari Madhur Aawaaz Dekar Usmein Zindagi Bhar Dee Hai, Film Ka Naam Hai The Train Aur Gaane Ke Bol Hain "Gulaabi Aankhen".

Song: Gulaabi Aankhen Jo Teri Dekhee (The Train)

Agla Geet Bahut Hi Khoobsoorat Hai, Aur Isey Bade Achchhe Andaaz Mein Kaifi Saahab Ne Likha Hai, Aur Mere Manpasand Sangeetkaar Madan Mohan-Ji Ne Iska Sangeet Diya Hai. Aur Kamaal Ka Sangeet Diya Hai. Film Ka Naam Hai Hanste Zakham Aur Geet Ke Bol Hain "Betaab Dil Ki Tamanna"

Song: Betaab Dil Ki Tamanna Yahi Hai (Hanste Zakhm)

Aap Ki Kasam, Jee Haan, Yeh Film Ka Naam Hai, Aur Is Gaane Ko Kishore Kumar-Ji Ne Bade Hi Achchhe Andaaz Mein Gaaya Hai, Zindagi Ke Safar Mein Guzar Jaate Hain Jo Makaam Woh Phir Naheen Aate.

Song: Zindagi Ke Safar Mein (Aap Ki Kasam)

Fauji Bhaaiyon, Aapko Yaad Hogaa Ek Film Aayi Thi Jiska Naam Tha Beshaq. Ittefaaq Se Yeh 'Picture' Koi Khaas Naheen Chalee, Lekin Iska Ek Gaana Aksar Bajtaa Hai, Mujhe Bhi Badaa Achchha Lagtaa Hai. Main Chaahta Hoon Aap Usey Ek Baar Aur Sun Len. Gaane Ke Bol Hain "Haseen Haseen Waadiyon".

Song: Haseen Haseen Waadiyon Unse Yeh Kaho (Beshaq)

Fauji Bhaaiyon, Main Ek Aur Mera Gaaya Huya Geet Aapko Sunwaana Chaahta Hoon, Is Film Ka Naam Hai Hum Hain Lajawaab, Aur Gaane Ke Bol (Sings) "Koi Pardes Aaya Pardes Mein..."

Song: Koi Pardes Aaya Pardes Mein (Hum Hain Lajawaab)

Fauji Bhaaiyon, Ab Jo Geet Main Sunwaane Jaa Raha Hoon, Woh Mujhe Behad Pasand Hai. Isliye Naheen Ki Isey Maine Gaaya Hai, Mujhe Isliye Pasand Hai Kyunki Iski Dhun Badi 'Romantic' Aur Badi Meethee Hai, Aur Aisi Dhune, Is Tarah Ke Geet Mujhe Behad Pasand Hai. Film Ka Naam Hai Janata Hawaldaar, Gaane Ke Bol, (Sings) "Teri Aankhon Ki Chaahat Mein...".

Song: Teri Aankhon Ki Chaahat Mein (Janata Hawaldaar)

Agla Gaana Badaa Hi Khoobsoorat Gaana Hai, Jise Rafi Saahab Aur Ashaji Ne Gaaya Hai. Aur Iske Bol Bade Pyaare Hain, (Sings) "Bahut Shukriya Badi Meherbaani..."

Song: Bahut Shukriya Badi Meherbaani (Ek Musafir Ek Haseena)

Pyaare Fauji Bhaaiyon, Main Ummeed Karta Hoon Ki Jo Gaane Maine Aapko Sunaaye Hain, Aapko Zaroor Pasand Aaye Honge, Aur Isi Ke Saath Aapse Ijaazat Letaa Hoon, Jai Hind!

THE END

Share

Translate Page

English French German Hindi Italian Portuguese Russian Spanish Urdu
You are here:   HomeFeaturesRadio SeVishesh Jaimala - Anwar-2
| + - | RTL - LTR