Vishesh Jaimala - Lata Mangeshkar-2

Written by Sujoy Chatterjee
Radio Se
Print

1983

Song: Lata Chants Sanskrit Praarthana.

Namaskaar Fauji Bhaiyon, Mujhe Jin Jin Par Garv Hain, Unme Hamari Sena Aur Aap Log Shaamil

Hain. Maine Praarthana Se Na Keval Apne Karyakramon Ko Shuru Karti Hoon, Balki Mere Har Din Ki

Shuruwaat Bhi Praarthana Se Hi Hoti Hai. Fauji Bhaiyon, Jab Main Aapko Jaate Huye Dekhti Hoon,

To Main Apne Pitaji Ko Jaate Huye Dekhti Hoon. Unhe Shraddhanjali Diye Bina Main Kaise Aage

Badh Saki Hoon?

Song: Marathi Natya Sangeet By Dinanath Mangeshkar.

Kya Aap Yakeen Karenge Ki Jab Hum Chhote The To Humein Filmen Dekhne Ki Bilkul Ijaazat Naheen

Thi. Haan Par Jab Saigal Sahab Ki Filmen Aati Thi To Hum Zaroor Dekhte The. Aage Chalkar

Saigal Sahab Hi Mere Maarg Darshak Bane. Aapko Pata Hai Ki Saigal Sahab Ki Heere Ki Angoothi

Main Aaj Bhi Har Recording Mein Pahenti Hoon.

Song: Main Kya Jaanoo Kya Jadoo Hai

TEXT MISSING

Song: Ae Dil-E-Naadaan (Razia Sultan)

Aap To Jaante Hi Hain Ki Maine Filmi Gaano Ke Saath Saath Gair Filmi Gaane Bhi Gaaye Hain. Yeh

Bade Dukh Ki Baat Hai Ki Hindi Mein Gair Filmi Geet Bahut Kam Bante Hain. Aur Dukh Ki Baat

Isliye Ki In Geeton Mein Kavitaa Aur Madhur Hoti Hai. Inmein Filmon Ke 'Situation' Ka Aadhaar

Naheen Lenaa Padtaa Hai. Bangla Aur Marathi Mein Aise Anginat Geet Bane Hain. Ek Aisa Hi

Marathi Geet Suniye Jo Meri Bahen Asha Ne Bahut Sundar Gaaya Hai, Kaviyatri Hain Shanta Shirke

Aur Sangeetkaar Baal, Aa Yaani Mera Bhaai Hridaynath Mangeshkar.

Song: Kiwaat Door Zhaati (Marathi Song, Asha Bhosle)

Maine In Dino Ek Gaana Record Kiya Hai Pyare Kishoreda Ke Saath, Gaana Halka Phulka Zaroor Hai

Magar Yaad Reh Jaanewaali, Iske Sangeetkaar Hain Hridaynath Mangeshkar Aur Film Hai Mashaal.

Song: Mujhe Tum Yaad Karna Aur Mujhko Yaad Aana Tum (Mashaal)

Kuchh Der Pehle Maine Disco Aur Paashchaatya Sangeet Ke Baare Mein Kaha Tha. Abhi Haal Hi Mein

Ek Film Aayi Subah. Iske Ek Geet Ne Aisi Aasha Jagaayi, Vishvaas Jagaaya Ki Hamara Sangeet Hi

Janmaanav Ko Shaanti Pradaan Karti Hai. Suniye Wohi Geet, Sangeet Hridaynath Ka, Geet Likha

Hai Pt Narendra Sharma Ne.

Song: Tum Asha Vishvas Hamare (Subah)

1983 Ki Shuruwaat Mein Hum Stage Show Karne Khaadi (Gulf) Jaanewaale The, To Jaane Se Pehle

Humein Bataya Gaya Ki Hum Wahaan Sirf Wohi Gaane Gaaye Jinme Urdu Ki Bharmaar Ho, Warnaa

Wahaan Ke Logon Ko Pasand Naheen Aayega. Khair Humne Sabhi Tarah Ke Gaane Gaaye, Sanskrit

Praarthana Se Maine Shuru Kiya Aur Khatam Kiya Aap Logon Ke Liye "Ae Mere Watan Ke Logon Se".

Aapko Pata Hai Wahaan Ke Logon Ko Sabse Zyada Kaun Sa Gaana Pasand Aaya? Pandit Narendra

Sharma Dwaara Likhit Shuddha Hindi Rachana Satyam Shivam Sundaram. Main Yeh Kehna Chaahti Hoon

Ki Logon Ko Apne Ghar Aaye Mehmaan Ki Sanskriti Aur Rasmo-Riwaazon Ko Jaanna Hi Zyada Pasand

Karte Hain. Ab Main Aapko Madhya-Purv Sangeet Ke Ang Par Aadhaarit Ek Qawwali Sunwaati Hoon.

Qawwali Hote Huye Bhi Isme Shor-Sharaba Aur Dhoom Dhadaaka Naheen Hai. Film Rustam Sohrab,

Sangeetkaar Sajjad Hussain.

Song: Phir Tumhari Yaad Aayi Ae Sanam (Rustam Sohrab)

Mujhe Kuchh Aisa Lag Raha Hai Ki Hridaynath Par Ek Thappa Lag Gaya Hai Gair Filmi Geet Compose

Karne Ka Ya Phir Unke Gaane Mein Classical Music Ki Prachoorta Hai. Lekin Aisa Naheen Hai, Ek

Geet Aapko Sunwaati Hoon Jisme Filmi Geet Ka Rhythm Bhi Hai, Filmi 'Situation' Ke Anuroop

'Western Music' Bhi Hai Aur Mithaas Bhi Hai.

Song: Footpaathon Ke Hum Rehnewaale (Mashaal)

Swargiya Sahir Ludhianvi, Mere Aziz Shaayar, Woh Na Keval Satheek Shabdon Ka Prayog Karte The,

Balki Unke Likhne Ka Dhang Purosar Hoti Thi. Agar Unke Kisi Bhi Gaane Ko Film Ki Situaion Se

Baahar Nikaal Deejiye, To Bhi Woh Geet Utna Hi Praasangik Rehta Hai, Utna Hi Uska Wajood Rehta

Hai. Agar Unka Gaana Sanjeeda Hai To Usme Ek Chubhan Hoti Hai Aur Agar Prem Geet Hai To Chhoo

Jaati Hai. Aisa Hi Unka Likha Aur Hridaynath Ka Swarbaddh Kiya Film Dhanwaan Ka Ek Geet

Suniye.

Song: Yeh Aankhen Dekhkar Hum Saari Duniya Bhool Jaate Hain (Dhanwaan)

Fauji Bhaiyon, Jis Tarah Se Maine Karyakram Ka Aarambh Praarthana Se Karti Hoon, Usi Tarah

Chaahe Ham Duniya Ke Kisi Kone Mein Hon, Har Karyakram Ke Ant Mein Main Kehti Hoon - Jai Hind!

THE END

Share

Translate Page

English French German Hindi Italian Portuguese Russian Spanish Urdu
You are here:   HomeFeaturesRadio SeVishesh Jaimala - Lata Mangeshkar-2
| + - | RTL - LTR